काठमाडौं/ एसिड आक्रमणबाट घाइते संगीता मगर र सीमा बस्नेतले पहिलो दिनको एसएलसी परीक्षा अस्पतालबाटै दिएका छन् ।
सीमाले आफैं उत्तरपस्तिकामा लेखिन भने संगीताका लागि सहयोगीको ब्यवस्था गरिएको थियो ।
घाइते भएर उपचार गराईरहेकी सीमा बस्नेतले वीर अस्पतालबाट एसएलसी परीक्षामा सहभागी भएकी हुन् भने अर्की घाइते संगीता मगर काठमाडौं मेडिकल कलेज सिनामंगलबाटै सहयोगीका साथमा एसएलसी परीक्षा लेखिन् ।
गम्भीर घाइते भएकी संगीतालाई उनकै स्कूल शान्ति निकुञ्जको कक्षा ९ मा अध्यनरत सोनाम तामाङले एसएलसी परीक्षामा सहयोगीको रुपमा सघाएका छन् भने वीर अस्पतालमा घाइते भएकी सीमा बस्नेतले भने आफै एसएसली परीक्षामा सहभागी भएकी छन्।
ट्यूसन पढ्न गएका यी दुई किशोरीमाथि गत फागुन१० गते बिहान काठमाडौंको वसन्पतपुर स्थित ए प्लस ट्यूसन सेन्टरमा बसिरहेका बेला एक युवाले एसिड आक्रमण गरेको थियो ।
यसअघि सिमा वस्नेतले प्रधानमन्त्री सुशील कोइरालालाई चार पृष्ठ लामो पत्र लेखेर दोषीलाई पक्राउ गरी कारबाही गर्न माग गरेकी थिइन।
रामेछाप खनियापानी गाविस-८ घर भएकी १६ वर्षीय संगीता मगर गम्भीर घाइते र रौतहटकी १५ वर्षीय सीमा बस्नेत घाइते भएर अहिले पनि अस्पतालमै उपचार गराइरहेका छन्।
