रियल मड्रिडले चिरप्रतिद्वन्द्वी बार्सिलोनाको रेकर्डसँग बराबरी गरेको छ।३९ खेलमा अपराजित रहँदै बार्सिलोनाले बनाएको रेकर्डसँग रियलले बराबरी गरेको हो। ला लिगा फुटबलमा शनिबार भएको खेलमा म्याड्रिडले गर्नाडामाथि ५ -० सहज जित हात पारे पछि रेकर्डलाई बराबरी गर्न सफल भएको छ।
घरेलु मैदानमा भएको खेलमा रियलका लागि इस्कोले २ गोल गरे भने क्रिष्टियानो रोनाल्डो, करिम बेन्जिमा र कासेमेरोले समान १-१ गोल गरेका थिए। जितसँगै रियलले ला लिगाको शीर्ष स्थानमा ६ अंकको अग्रता बनाएको छ ।दोस्रो स्थानमा रहेको बार्सिलोनाले आइतबार चौँथो स्थानमा रहेको भिल्लेरियालको सामना गर्नेछ ।
