काठमाडौं–संविधान संसोधनको विषयमा सरकार दवावमा रहेकोबेलाप्रधानमन्त्री एवम माओवादीकेन्द्रका अध्यक्ष प्रचण्डले छठ पर्व लगत्तै संविधान संशोधन गर्ने तयारी भइरहेको बताएका छन् । । आज बसेको पार्टी संसदीय दलको वैठकमा बोल्दैप्रधानमन्त्री प्रचण्डले यस्तो बताएका हुन् । उपयुक्त विधि र सहमतिमा संसोधन प्रस्ताव दर्ता नभएगठबन्धन भत्कन सक्ने खतरा रहेको संकेत समेत उनले गरे ।
माओवादी केन्द्रका एक सांसदका अनुसारवैठकमा प्रचण्डले सहमतिका लागि गृहकार्य भने भैरहेको बताएका छन् । ‘तराई–मधेशका मुद्दा सम्बोधनका लागि संविधान संसोधन अनिवार्य सर्त हो । योप्रक्रिया अगाडि नबढाउदा असन्तुष्टहरुका माग सम्बोधन गर्न सकिने अबस्थाछैन’ प्रचण्डको भनाई थियो ।
वैठकमा प्रचण्डले ३० दलीय गठबन्धनले अगाडि सारेको १० प्रदेशको प्रस्तावअनुसार संविधान संसोधन प्रस्ताव अगाडि बढाए असन्तुष्ट दलहरुले स्वीकार गर्नसक्ने बताए । प्रचण्डले यो विषयमा सहमति जुटाउन काँग्रेस–एमालेसँग पनिकुराकानीको प्रयास भएको बताएका छन् ।
प्रधानमन्त्री प्रचण्डले विभिन्न विकल्पमासहमतिको प्रयास कायम रहेको तर कुनै निश्कर्षमा नपुगेको पनि बताए । उनलेसंवादलाई सधन पारेर छठसम्म एउटा निश्कर्षमा पुगिने पनि बताए । वैठकमा प्रधानमन्त्री प्रचण्डले आफ्नो भारत भ्रमण सफल रहेको पनि सांसदहरुलाई जानकारी दिएका थिए।
