सन् २००० पछि,धनी खेलाडीहरुको शीर्ष स्थानमा, फुटबल खेलाडी

फोब्स पत्रिकाको सूचीमा रोनाल्डो ८८ मिलियन अमेरिकी डलरसहित सर्वाधिक पारिश्रमिक पाउने खेलाडीको अग्रस्थानमा रहेका हुन्। मेस्सी ८१.४ मिलियन अमेरिकी डलरसहित दोस्रो स्थानमा रहँदा अमेरिकी बास्केटबल खेलाडी लिब्रोन जेम्स ७७. २ मिलियन अमेरिकी डलर पारिश्रमिकसहित तेस्रो स्थानमा छन्।

त्यस्तै टेनिस स्टार रोजर फेडेरर ६७.८ मिलियन अमेरिकी डलरसहित चौथो स्थानमा रहँदा केभिन डुरान्ट ५६.२ मिलियन अमेरिकी डलरसहित पाँचौ स्थानमा रहेका छन् । सन् २०१५ मा फोब्सले सार्वजनिक गरेको सूचिमा ७९.६ मिलियन अमेरिकी डलरसहित सूचिको तेस्रो स्थानमा रहेका रोनाल्डो यो वर्ष शीर्ष स्थानमा रहेका छन्।

बेला बेलामा खेलाडीहरुको फरक फरक तथ्याङ्क सहित खेलाडीहरुको कमाई सार्बजनिक हुने भए पनि धेरैले अमेरिकी पत्रिका फोर्ब्सलाई नै आधार मानेको पाईन्छ।