-नबराज नबोदित
यता मुटु उता धड्कन म कसरी दशैँ मानौँ ?
बन्धकीमा राखी जीवन म कसरी दशैँ मानौँ ?
एक साल दुई साल हैन बर्षौँ भयो घर नफर्केको
थामिदैन केही गरि मन म कसरी दशैँ मानौ ?
मलाई थाछ यसपाली नि बाबाआमा पियारीले
रुँदै मेरो बाटो हेर्छन म कसरी दशैँ मानौँ ?
यस्तो लाग्छ जिन्दगी यो आफ्नो भन्नू बेकार रैछ
सधैँ साहुको चल्छ खटन म कसरी दशैँ मानौँ ?
तिमी आँफै भन साथी हृदयको कुनाभित्र
सल्केपछी आगो दनदन म कसरी दशैँ मानौँ ?
