वन्यजन्तु संरक्षण ऐन संसोधन गरेर बन्यजन्तु पालन प्रावधान थप्न लागेको विरोधमा वन्यजन्तु तथा पशुअधिकारका क्षेत्रमा क्रियाशिल युवाले शनिबार भरतपुरमा प्रदर्शन गरेका छन् ।
एनिमल राइट क्लब, वन फुड फरवार्ड र लियो क्लब भरतपुर चौतारीले संयुक्त रुपमा चौबीसकोटीदेखि नारायणगढको लायन्स चोकसम्म जुलुस आयोजना गरे ।
कृषि तथा वन विश्वविद्यालय रामपुरका सहप्राध्यापक कल्याणी मिश्रले जुलुस आरम्भ गर्दै वन्यजन्तुलाई प्राकृतिक वातावरण नै प्रिय लाग्ने भएका कारण त्यसभन्दा बाहेकको बासस्थान प्रबन्ध गर्नु राम्रो नहुने बताइन् । उनले ऐनमा वन्यजन्तु पालन व्यवस्था नराख्न सरकारसँग माग गरिन् ।
वन्यजन्तु पाल्न पाइने प्रावधान थप्ने तयारीका साथ सरकारले २०२९ सालमा बनेको ऐन पाँचौपटक संसोधन गर्दैछ ।
यस अघि ऐन संसोधनबारे संसदको वातारण संरक्षण समितिले चितवनको सौराहामा आयोजना गरेको छलफलमा जिल्ला न्यायधिवक्ता मणिराज न्यौपानेले वन्यजन्तु पाल्न दिने प्रावधानले वन्यजन्तुको चोरी सिकारी मौलाउने खतरा रहेको औंल्याएका थिए । आजको नागरिक दैनिकमा खबर छ ।
