पोखरा । गण्डकी विकास बैंकको सोमबार सम्पन्न तेह्रौं बार्षिक साधारण सभाले शेयरधनिहरुलाई २०.६० प्रतिशत बोनश शेयर वितरण गर्ने प्रस्ताव पारीत गरेको छ ।
बैंकका अध्यक्ष पद्मप्रसाद पौडेलको अध्यक्षतामा सम्पन्न भएको सभाले उक्त प्रस्ताव सर्वसम्मतिले पारित गरेको हो । साथै सभाले बैंकको जारी तथा चुक्ता पुँजि बृद्धी गरी प्रबन्धपत्र र नियमावलीमा संसोधन गर्ने प्रस्ताव समेत पारीत गरेको छ । यस पश्चात बैंकको कुल चुक्ता पुँजी ६४ करोड ३९ लाख ५६ हजार दुई सय पुग्ने छ । सभाले विद्यमान संस्थापक र सर्वसाधारण शेयरधनिको शेयर अनुपात ७० प्रतिशत र ३० प्रतिशत कायम रहेकोमा सो अनुपात परिर्वतन गरी ५१ प्रतिशत र ४९ प्रतिशत कायम गर्ने विषेश प्रस्ताव पनि पारित गरेको छ ।
सभामा फेवा विकास बैंकका संचालक समिति अध्यक्ष विन्दुकुमार थापाले आफ्नो मन्तब्य राख्दै गण्डकी विकास बैंकसँग मर्ज हुन लागेकोमा खुसी व्यत्त गर्दे सफलताको कामना गर्दै चैत्रमसान्त सम्ममा संयुक्त कारोवार गर्ने कुरा समेत व्यक्त गर्नुभएको थियो ।
पोखरामा केन्द्रीय कार्यालय रही राष्ट्रीय स्तरको विकास बैंकको रुपमा कार्यरत फेवा विकास बैंकसँग मर्जरको अन्तिम तयारीमा रहेको यस विकास बैंकले गत आर्थिक वर्षमा १३ करोड खुद मुनाफा आर्जन गरेको थियो जुन गत आ.ब.को भन्दा १९.४० प्रतिशतले बढी हो । २०७३ आषाढ मसान्त सम्ममा बंैकको कूल निक्षेप रु.५ अर्व ५३ करोड र कर्जा लगानी रु.४ अर्व ६१ करोड रहेको थियो जुन गत आ.ब.को भन्दा क्रमश २२.५८ र २०.१० प्रतिशतले बढी हो । सोही अवधिमा बैंकको निष्कृय कर्जा अनुपात ०.१९ प्रतिशत रहेको थियो ।
ग्राहकहरुलाई सरल, सहज र सर्वसुलभ वित्तिय सेवा पु¥याउदै आएको यस बैंकले पश्चिमाञ्चल क्षेत्रका १० जिल्ला अन्र्तगत कुल २० वटा शाखा कार्यालय र केन्द्रीय कार्यालय समेत गरी कुल २१ स्थानवाट कारोवार संचालन गर्दे आएको छ । बैंकले ग्राहकहरुलाई आधुनिक सेवाहरु मोवाईल बैकिङ्ग, रेमिट्यान्स, लकरसेवाहरु उपलब्ध गराउदै आएको छ । साथै बैंकले विभिन्न कर्जा शिर्षकहरुमा सरल र सहज तरीकाले छिटोछरितो रुपमा कर्जा उपलब्ध गराउनुका साथै निक्षेपमा आकर्षक ब्याजदर प्रदान गर्दै आएको प्रमुख कार्यकारी अधिकृत छविन्द्र नाथ शर्माले वताए ।
