लन्डन । बेलायत भ्रमणमा रहेका भारतीय प्रधानमन्त्री नरेन्द्र मोदीबिरुद्ध नेपाली समुदायलगायतले विरोध प्रदर्शन गरेका छन् । विहीवार बेलायती प्रधानमन्त्री डेबिड क्यामरुनको कार्यालय अगाडि जम्मा भएका नेपाल समुदाय लगायतले नेपालविरुद्ध भारतले गरेको नाकाबन्दीको विरोधस्वरुप प्रदर्शन गरेका हुन् ।
बेलायतस्थित गैरआवासीय नेपाली संघलगायत करिब चार दर्जन संघसंस्थाको सक्रियतामा जम्मा भएका जनसमुदायले नाकाबन्दीको विरोधमा लेखिएको ब्यानर, प्लेकार्ड बोकेर विरोध प्रदर्शन गरेका छन् ।
