राजाराम पौडेल, पोखरा – नेपाली नयाँ बर्षको अवसरमा विरेठाँटी क्यानोनिङ, रेष्टुरेण्ट एण्ड बारको आयोजनामा साहसिक खेल क्यानोनिङ प्रतियोगिता हुने भएको छ । कास्कीको पर्यटकीय गाँउ बिरेठाँटीको पर्यटन प्रवद्र्धन गर्ने उद्धेश्यले करिब ६ महिना अघि मात्र संचालनमा आएको कास्कीको अन्नपूर्ण गाउँपालिका वडा नम्बर ८ स्थित बिरेठाँटी छहराको प्रचार प्रसार गरी पर्यटन प्रवद्र्धन गर्न उक्त प्रतियोगिता आयोजना गर्न लागिएको हो ।
प्रतियोगीता चैत २९ गतेदेखी बैशाख १ गतेसम्म चल्नेछ । साहसिक खेल क्यानोनिङको माध्यमबाट खेल पर्यटनको विकास र विस्तार गर्ने उद्धेश्यले प्रतियोगीता आयोजना हुने भएको हो । प्रतियोगितामा नेपालका विभिन्न ठाउँमा रहेका क्यानोनिङ गाईड, खेलाडी गरि करिब ५० भन्दा बढीको सहभागिता हुने कार्यक्रम संयोजक पूर्ण कोने गुरुङले बताए ।
प्रतियोगिता अन्तर्गत पहिलो चरणमा उत्कृष्ट १० छनौट गरिने, दोश्रो चरणमा उत्कृष्ट ५ छनौट गरेर अन्तिम प्रतिष्पर्धाबाट बिजेता छनौट गरिने पोखरा क्यानोनिङका सञ्चालक राम गुरुङले बताए । समयको आधारमा विजेता खेलाडी छनौट गरिने भएको छ । क्यानोनिङ प्रतियोगिताको अवसरमा राष्ट्रिय चर्चित कलाकारहरुको लाइभ कन्सर्ट, पुल डान्स पार्टी र स्थानिय कलाकारहरुबाट पञ्चे बाजासहित सांस्कृतिक कार्यक्रम प्रदर्शन हुने भएको छ ।
प्रतियोगिताले क्यानोनिङ गाईडहरुलाई लाईसन्स दिलाउन थप मद्धत पुग्ने विश्वास व्यक्त गरे लोकतान्त्रिक खेलकुद संघका अध्यक्ष देवेन्द्र शेरचनले क्यानोनिङ गाईडहरुलाई लाईसन्स दिलाउने बिषयमा आफुहरुले सेमत पहल गर्ने जनाए ।
