बार्सिलोना, बार्सिलोनाका स्ट्राइकर लिओनल मेस्सीले क्लब खेलमा पाँच सय गोलको किर्तिमान बनाउँदै बार्सिलोनालाई जिताएका छन्। ला लिगा अन्तर्गत आइतबार राती सेभिल्ला विरुद्व भएको खेलमा बराबरी गोल गरे संगै क्लबका लागि ५ सय गोलको किर्तिमान बनाएका हुन्।
आइतबार राति भएको खेलमा एक गोलले पछि पारेको बार्सिलोनाले कमब्याक गर्दै सेभिल्लालाई २–१ ले हराएको छ ।
घरेलु मैदानमा भएको खेलमा सेभिल्लाले १५ औं मिनेटमा भिटोलोको गोलबाट अग्रता लिएको थियो । तर, पहिलो हाफको अन्तिमतिर लिओनल मेस्सीले बार्सिलोनाका लागि बराबरी गोल फर्काएका थिए ।
खेलको ६१ औं मिनेटमा मेस्सीको पासमा लुइस स्वारेजले गोल गरेका थिए । बार्सिलोनाका लागि ११२ खेलमा उनको यो ९५ औं गोल समेत हो ।
यो जितसँगै बार्सिलोनाले लिग लिडर रियल मड्रिडमाथि दबाव कायमै राखेको छ । बार्सिलोना ११ खेलबाट २५ अंकसहित दोस्रो स्थानमा छ भने रियल मड्रिड २७ अंक संगै शिर्ष स्थानमा रहेको छ।
