कलाकारिता क्षेत्रमा निकै नै बरिष्ट र चर्चित कलाकार मदन दिपबिम बस्नेतको अध्यक्षतामा १३ सदस्यीय कार्यसमिति गठन गरिएको छ। कलाका विविध विधामा समर्पित कलाकार वा उल्लेखित विधालाई माया गर्ने वा यसको संरक्षण वा सम्वर्द्धनका लागि कार्यरत व्यक्तित्वहरुको संलग्नतामा गठित अन्तराष्ट्रिय नेपाली कलाकार समाज क्यालिफोर्नियाको उपाध्यक्षमा रत्तु लामा र संगीता शर्मा गुरुङ, महासचिवमा सरु साँबा राई, कोषाध्यक्षमा बिन्दु सापकोटा रहेका छन् भने समाजको कार्यकारी सदस्यमा बाबु आचार्य, नलिना चित्रकार, टिका पुन, टलमान मगर, अमुल शेरचन, कल्पना लामा, इन्द्र गुरुङ र निकी कार्की रहेका छन्।
नेपाली कला, साहित्य र संस्कृतिको उत्थान र नेपाली चलचित्रको अन्तराष्ट्रिय प्रवर्द्धन गरिरहेको यस सस्थांले विश्वभरी आफ्ना शाखाहरु विस्तार गर्दै अगाडी बढीरहेको छ। स्थापनाको केहि बर्षमा नै चर्चित बनेको ईनासले केहि हप्ता अगाडी मात्र भारतको सिक्किममा चौथों ईनास फिल्म अवार्ड कार्यक्रम सफलता पुर्वक सम्पन्न गरेको थियो।
