कृष्ण रानाभाट/पोखरा ।
गत पौष ३० गतेदेखि माघ १० गतेसम्म अमरर्सिङ चौरमा भएको छैटौं पोखरा महोत्सव २०७२ मा ३७ लाख ५६ हजार बचत भएको आयोजकले बताए ।
युनाइटेड क्लब पोखराले आयोजना गरेको सो महोत्सवको आयव्यय मंगलबार आयोजित छैटौं वार्षिकोत्सबको अबसरमा सार्बजनिक गरिएको हो।
क्लबका कोषाध्यक्ष तथा महोत्सवका अर्थ उपसमिति संयोजक राजु श्रेष्ठले टिकट बिक्रि तथा ब्यानर प्रायोजक बाट ९८ लाख ४१ हजार तीन सय ४२ आम्दानी र ६० लाख ८४ हजार चार सय नौ रुपैयाको विवरण प्रस्तुत गरेका थिए ।
रामबजार प्रहरी चौकीका इन्चार्ज बेदप्रसाद जोशीको प्रमुख आतिथ्यतामा भएको उक्त कार्यक्रममा सल्लाहकार सम्मर श्रेष्ठ, उत्तम जोशी, पबित्रा गुरुङलगाएतले शुभकामना व्यक्त गरेका थिए ।
क्लबका अध्यक्ष हिमालय बख्रेलको अध्यक्षतामा भएको कार्यक्रमको संचालन सचीव लालकाजी गुरुङले गरेका थिए ।
