राजाराम पौडेल,पोखरा – गायिका प्रिति आलेमगर र गायक राजेश वर्देवाको आवाजमा रहेको ‘झिमझिम परेली’ गीतको म्युजिक भिडियो रिलिज भएको छ । माया प्रेमसँग सम्बन्धित गीतको भिडियोमा पार्वती राईले कृष्ण सुनारसँग रोमान्स गरेकी छन् । भिडियोमा नृत्यलाई बढी फोकस गरिएको निर्देशक शिव विकले बताए । माया राईको शब्द संकलन रहेको गीतमा संगीत मनोज रसाइलीले भरेका छन् ।
गीतमा अभिनय गरेका मोडल कृष्ण सुनार कास्की वेगनासका वासिन्दा हुन् । उनी विगत १७ वर्षदेखि अमेरिका बस्दै आएका छन् । यसअघि उनले नेपाली चलचित्र पाकेटमार, रणभुमी, माइलीमा अभिनय गरेका थिए । आधी मुटु मेरी आमा, भमरा झै डुली हिड्ने, पोखरेली कान्छी, तोड्यौ तोड्यौ लगायतका भिडियोमा समेत उनले अभिनय गरिसकेका छन् । भिडियोको छायाकंन पोखराको फेवाताल, वेगनासताल, पामे लगायतका ठाउँमा भएको थियो ।
झण्डै ६ सय गीतमा अभिनय गरिसकेकी यस गीतकी मोडल पार्वती राई म्युजिक भिडियोे मार्फत दर्शकको मन जित्नेमा ढुक्क छन् । ‘गीत राम्रो लागेर अभिनय गर्न राजी भएकी हुँ पक्कै दर्शकको मन जित्नेछु’ उत्साहित हुँदै उनले भनिन् ।
