मुम्बई /
पाकिस्तानी अभिनेत्री बिना मलिक पाकिस्तानी अदालतले २६ वर्ष जेल सजाय सुनाएको घटनाले हैरान छिन् । ‘२६ वर्ष भनेको त अब मेरो पुरै जीन्दगी हो । अदालतले चाहे अनुसार हो भने मेरो बाकी जीबन जेलमै बित्ने छ ।’ बिनाले भनिन् । टेलिभिजन च्यानलवाट प्रशारित कार्यक्रमका विषयमा यति ठुलो सजाय मान्य नहुने बिनाको भनाइ छ । उनी भन्छिन-‘टेलिभिजनवाट प्रशारित कार्यक्रममको विषयलाइ हामीले चाहेर पनि नियन्त्रण गर्न सक्दैनौं ।
हामी त त्यस कार्यक्रममा सामान्य हिस्सा मात्रै हौं ।’ डिसेम्बरको पहिलो हप्ता पाकिस्तान जाने योजनामा रहेकी बिना अहिले द्धिविधामा छिन् । केही महिनाअघि मात्रै सर्जरी गररे बच्चा जन्माएकी बिनाले अदालतको यो निर्णय सुनेर आफु अचम्मित भएको बताइन् । आफुलाइ निर्दोष दाबी गर्ने बिनाले पाकिस्तानमा अस्पताल बनाउने योजना भएको भन्दै अदालतको निर्णय आएपछि पाकिस्तानसँग भावनात्मक सम्बन्ध टुटेको बताइन् । अदालतले केही दिन अघि मात्रै विना र पाकिस्तानको सबै भन्दा ठुलो मिडिया समुह जियो टिभीका मालिक मीर शकुलर रहमानलाई २६ वर्ष जेल सजाय सुनाएको थियो ।
