पोखरा, १ असोज /
फेवातालको जलाशयमा रमाउनका लागी पोखरामा एक कम्पनिले तालमाथि तैरिएर बस्न, घुम्न, माछा मार्न र योगासमेत गर्न मिल्नेखालको नयाँ प्रविधि भित्रयाएको छ । स्ट्याण्डअप प्याडल नेपालले भित्रयाएको यस्तो प्रविधिले पर्यटक आकर्षित गर्ने कम्पनिको दावि छ ।
कम्पनिका म्यानेजर सुजन थापाका अनुसार फाईबरबाट बनेको हावा भर्न मिल्ने ‘प्याडल बोर्ड’ अहिले फेवातालमा संचालन गरिएको छ । फाईबरबाट बनेको हलुका प्रकारका यी बोर्डमा बसेर तालमाथि तैरिन सकिने जानकारी दिए । ‘ब्यालेन्स मिलाएर तैरिएर बस्न मिल्छ । यसैमा बसेर माछामार्न पनि सकिन्छ । त्यसबाहेक योगा गर्न पनि मिल्छ’ थापाले भने, ‘नेपालमै नौलौ प्रविधि हो । पौडि खेल्न र डुंगा चलाउन जान्ने मान्छेले यसमा बसेर आनन्द लिन सक्नेछन् ।’
चिनबाट ल्याईएका यी बोर्ड पानीमा तैरिने भएकोले रमाउन चाहनेले बहनाको सहयोगले यताउती घुम्न पनि सक्नेछन् । प्रतिगोटा एकलाख रुपैयाँ खर्चेर कम्पनिले १६ वटा यस्ता बोर्ड पोखरा भित्रयाएको छ । यी बोर्ड स्वदेशी तथा विदेशी पर्यटकलाई भाडामा लगाउने गरिएको छ । ‘लाईफ ज्याकेट लगाएर तालको कुनाकुनासम्म घुम्न चाहनेलाई यो निकै नै सहयोगि हुृन्छ’ उनले भने, ‘पोखरामा पर्यटक आकर्षण गर्ने नौलो साधन भएकोले यसको प्रयोगकर्ता थपिँदै गएका छन् ।’
थापाका अनुसार यो प्याडल बोर्ड प्रयोग गर्दा एकदिनको ३५ सय, आधा दिनको २ हजार र १ घण्टाको ७ सय रुपैयाँ भाडा लाग्छ । एकजना मात्र सयर गर्न मिल्ने यो बोर्डमा बस्ने ठाउँ हुन्छ । त्यसमै बसेर यताउती घुम्न मिल्छ । ‘सुत्न र फिसिङ गर्न समेत मिल्ने भएकोले यसमा रमाईलो हुन्छ । विदेशीले यसलाई निकै नै रुचाएका छन् । यसको प्रयोगकर्ता बढेका पनि छन’ उनले भने, ‘तीनमहिना अघि ल्याएका हौ । अहिले यसको प्रयोग दिनहुँ बढिरहेको छ ।’ प्याडल बोर्ड लैजानुअघि यसका प्रयोकर्तालाई सिकाएर मात्र पठाईन्छ । आवश्यक परेमा सहयोगी समेत पठाइन्छ । थापाका अनुसार पोखरा आएका चिनियाँ, रसियन र डेनमार्कका पर्यटकले यी बोर्ड बढिमात्रामा रुचउने गरेएका छन् । चिनमा यस्ता बोर्डको अत्यधिक प्रयोग हुने भएकोले पनि चिनियाँले यसलाई रुचाएको उनले बताए ।
