पोखरा, २७ भदौ
पोखरा पिस क्लवद्वारा आयोजित आठौं पोखरा पिस क्रिकेट कप २०७१ अन्तर्गत बिहीवार भएको दोस्रो सेमिफाइनल खेलमा एसएमसी ८ ले आयोजक निलोलाई पराजित गरी फाइनलमा प्रवेश गरेको छ ।
आयोजक निलोलाई पराजित गर्ने क्रममा एसएमसी ८ का प्रदीप धिवारले १ सय ४ रनको सतकीय पारी खेलेका थिए । उनलाई दीपकले ७० रन र एगेन्द्रले ४४ रन बनाउँदा टिमको स्कोर २ सय ४३ रन बनाएका थिए । १ सय ४ रन बनाएका प्रदीप नै उक्त खेलको म्यान अफ दी म्याच घोषित भएका थिए ।
प्रतियोगिताको फाइनल खेल शनिवार बिहान १०ः३० बजे हुनेछ । उपाधिका लागि अब एसएमसी ८ ले गण्डकी फुड क्याफे गाइजसँग फाइनलमा भिड्नेछ । शनिवार नै पुरस्कार वितरण तथा समापन समारोहको कार्यक्रम रहने आयोजक क्लवका सूर्यविक्रम बरालले जानकारी दिएका छन् । प्रतियोगिता बाराही उच्च माविको खेलमैदानमा भइरहेको छ ।
