भुपाल गुरुङ
पोखरा २५ भदौ
नेपाल तमु विद्यार्थी छोँज धींले मंसिर १३ गते आयोजना गर्न लागेको चौथो मिस तमुस्यो नेपाल २०१४ को छनोट चरणको अडिसन लम्जुङ्गको वेशिशहरबाट हुदै छ ।
बुधबार देखि शुरु हुने पहिलो चरणको अडिसनका लागि सम्पुर्ण तयारी पुरा भएको आयोजकले जनाएको छ । पहिलो चरणको अडिसनका लागि तमु विद्यार्थी छोँज धी कास्कीका संगठन सचिव पुनम गुरुङको टोलि मंगलबार नै लम्जुङ्ग बेशिशहर प्रस्थान गरेको जिल्ला सचिव भोज गुरुङले जानकारी दिनुभयो ।
बेशिशहरमा हुने अडिसनमा लम्जुङ्ग तथा आसपासका प्रतिष्पर्धीहरुले अडिसन दिने आयोजकले जनाएको छ । अडिसनबाट छनोट प्रतियोगीले मंसिर १३ गते पोखरा सभागृहमा हुने फइनल भिड्न पाउने छ । पहिलो चरणको अडिसन सम्बन्धित जिल्लाबाट दिन छुटेका इच्छुक युवातिले असोज ४ गते पोखरामा हुने अन्तिम छनोट अडिसनमा सहभागी हुन पाउने मिस तमुस्यो नेपाल २०१४ मुल आयोजक समिति संयोजक भुपाल गुरुङ्गले जानकारी दिनुभयो ।
प्रतियोगीतामा तमु समुदायका १६ देखि २४ वर्ष उमेर समुहका युवातिले भाग लिना पाउनेछन । भदौ पहिलो साता देखि खुल्ला रहेको सहभागीता फाराम असोज पहिलो साता सम्म लिन सक्ने आयोजकले जनाएको छ ।
