पोखरा, १२ भदौ
हरितालिका तिजको अवसरमा परोपकार सर्वेश्वर नारी समुहले आज पोखराको गैह्रापाटनमा रहेको सर्वेश्वर मन्दिरमा खुल्ला तिज गीत प्रतियोगिताको आयोजना गरेको छ ।
मौलिक संस्कृतिको जर्गेना गर्ने उद्देश्यले आयोजित प्रतियोगिताको माननिय न्यायधिस सारङ्गा सुवेदी कोइरालाले गीत गाएर उद्घाटन गर्नुभएको थियो । उद्घाटन पछि बोल्दै कोइरालाले नेपाली नारीहरुको महान् चाड हरितालिका तिजले सम्पूर्ण महिलाहरुलाई एकतामा बाँध्ने बताउँदै तिजलाई सबैले मिलेर मनाउनुपर्ने बताउनुभयो ।
कार्यक्रममा सर्वेश्वर युवा क्लबका अध्यक्ष पुष्पराज कोइराला, सर्वेश्वर मन्दिर संरक्षण समितिका अध्यक्ष रामप्रसाद कोइराला, पत्रकार महासंघका केन्द्रिय सदस्य दुर्गा भण्डारी लगायतले तिजको महत्वको बारेमा बोल्नुभएको थियो ।
सोही अवसरमा पत्रकार महासंघका केन्द्रिय सदस्य दुर्गा भण्डारीलाई समुहका अध्यक्ष भगवती – लता ) कोइरालाले खादा र सम्मान पत्रले सम्मान गर्नुभएको थियो ।
प्रतियोगितामा प्रतियोगीहरुले आ—आफ्ना गीतहरु प्रस्तुत गरिरहेका छन््् । प्रतियोगितामा मुख्य निर्णायकमा वरिष्ठ लोकगायक प्रजापति पराजुली हुनुहुन्छ भने अन्य सदस्यहरुमा सविता कोइराला, लक्ष्मी सुवेदी र श्रीराम अधिकारी हुनुहुन्छ ।
परोपकार सर्वेश्वर नारी समुहका अध्यक्ष भगवती – लता ) कोइरालाको अध्यक्षतामा भएको कार्यक्रमको सञ्चालन सचिव अम्बिका कोइरालाले गर्नुभएको छ ।
यस्तै वडा नं. १२ र १३ का आमा तथा दिदीबहिनी समुहले आज माछापोखरी तिज गीत प्रतियोगिताको आयोजना गरेको छ भने आदर्श समाज सामाजिक संस्थाले पोखरा १२ रानीपौवा पुरानोधारामा तिज गीत प्रतियोगिताको आयोजना गरेको छ ।
त्यस्तै कालिका उच्च मावि ले पनि हरितालिका तिजको अवसरमा तथा आफ्नो स्वर्णमहोत्सवको अवसरमा आज विद्यालय प्राङ्गण रामबजारमा खुल्ला तिज गित प्रतियोगिताको आयोजना गरेको छ कास्कीको कालिका गाविसमा कालिका युवा क्लबले तिज गीतको आयोजना गरेको छ ।
