बार्सिलोना
युरोपियन च्याम्पियन्स लिग २०१४- २०१५ सिजनको समूह चरणको तालिका सार्बजनिक भएको छ। फ्रान्सको मोनाकोमा बिहीबार राति भएको ड्र अनुसार ग्रुप बीमा १० पटकको विजेता रियल ५ पटकको विजेता लिभरपुल एक आपसमा भिड्ने भएका छन्। डिफेन्डिङ च्याम्पियन रियल र लिभरपुलसँगै ग्रुप बी मा स्वीटजरल्यान्डको एफसी बासेल र पहिलो पटक सहभागी जनाएको बुल्गेरियाको लुदुगोरेट्स रहेका छन् ।
ग्रुप ए मा गत वर्षको फाइनलिस्ट स्पेनको एट्लेटिको मड्रिड र इटालीका युभेन्टस परेका छन् । ग्रीसको ओलम्पियाकस र स्वीडेनको माल्मो एफएफ यसै ग्रुपमा छन् ।
जर्मनको बार्यन म्यूनिख र इङ्ल्यान्डको म्यानचेस्टर सिटी अघिल्लो वर्ष झैं एकै समूहमा परेका छन् । बार्यन र म्यान सिट ग्रुप इ मा परेका छन् । रसियाको सीएसकेए मस्कोसँगै इटालीको एएस रोमा पनि ग्रुप् इ मै रहेको छ । ग्रुप एफमा कातालान क्लब बार्सिलोना र फ्रान्सको पेरिस सेन्ट जर्मेन प्रतिस्पर्धा गर्ने भएका छन् ।यो ग्रुपमा नेदरल्याण्डको आयाक्स र साइप्रसको एपोल एफसीले पनि प्रतिस्पर्धा गर्नेछन् ।
इङल्यान्डको आर्सनल,जर्मनको बुरेसिया डर्टमन्ड, टर्कीको गालातासारे र बेल्जियमको एन्डरेक्चको ग्रुप डि मा परेका छन्। २०१२ को विजेता चेल्सी ग्रुप जीमा जर्मनको साल्के, पोर्चुगलको स्पोर्टिङ लिस्बन र स्लोभानियाको मारिबोर सँग सामाना गर्ने छ । दुई पटकको विजेता पोर्चुगलको बेन्फिकाले जर्मनको बायर लेभरकुसन, रसियाको जेनिथ सेन्ट पिटर्सवर्ग र फ्रान्सको एएस मोनाबीच अन्तिम १६ का लागि प्रतिस्पर्धा गर्दै छ । ग्रुप एचमा पोर्चुगलको एफसी पोर्तो, युक्रेनको सख्तर डोनेस्क, बेलारुसको बाते बोरिसेभ र स्पेनको एट्लेटिको बिल्बाओ रहेका छन् ।
