बार्सिलोना । गैरआवासीय नेपाली संघ (एनआरएनए) जर्मनीको अध्यक्षमा मिलनराज पन्त ८२८ मतका साथ विजयी बनेका छन् ।अध्यक्षका अर्का प्रत्यासी निनम्मा राईलाई २५७ मतान्तरले पराजित गर्दै पन्त निर्वाचित भएका हुन् । राईले ५७१ मत प्राप्त गरिन्।
एक हजार ५९५ पंजीकृत सदस्यहरूरहेको जर्मनीमा एक हजार ४३३ जनाले अनलाइनमार्फत मतदान गरेका थिए ।
यस्तै अन्तर्राष्ट्रिय समन्वय परिषद सदस्य (आईसीसी) पदका लागि शंकर डाँगी ९४३ मत ल्याई विजयी बने । अर्का प्रत्यासी विनोद अधिकारीले ३६९ मत प्राप्त गरेका छन्।
खुल्ला उपाध्यक्षमा लोकमणि ढकाल र मेनका त्रिपाठी, महिला उपाध्यक्षमा करुणा तुलाधर राई, महासचिवमा राजेश सुनार, सचिवमा निमा राजभण्डारी अर्याल र सुजन बर्तौला निर्वाचित भएका छन् । यस्तै हामवर्गबाट केन्द्रीय सदस्यमा मिरा कार्की र प्रशान्त पोखरेल विजयी भएका छन् ।
यसअघि नै कोषाध्यक्षमा भरतकुमार चलाउने, युवा संयोजकमा, सुदीप सापकोटा, साँस्कृतिक संयोजकमा लक्ष्मण जोशी, भाषा तथा बालबालिका संयोजकमा मिरा पौडेल र महिला संयोजक सोनी तुलाचन निर्विरोध बनेका थिए।
एनआरएनए स्पेनको निर्वाचन सफलतापूर्वक सम्पन्न गरेपछि एनआरएनए जर्मनीले पनि स्पेनिस कम्पनी साइटल इलेक्सन टेक्नोलोजी एसएल बार्सिलोनालाई जिम्मेवारी दिएको थियो ।
