एनआरएन स्पेनलाई पाठशालाद्वारा ८१८ युरो सहयोग

November 8, 2019

बार्सिलोना। एनअरएनए स्पेनको आफ्नै भवन लिने योजानामा नेपाली पाठशाला बार्सिलोनाले सहयोग गरेको छ। देउसी भैलो कार्यक्रमबाट संकलन भएको ८१८ युरो हस्तान्तरण गर्दै पाठशालाले संघको अभियानमा ईटा थपेको हो। तिहारको अबसरमा पाठशालाले बार्सिलोनामा चौथो पटकको देउसी भैलो कार्यक्रम सम्पन्न गरेको थियो। सिसिलिया हलअघि सम्पन्न कार्यक्रममा स्थानीय ब्यबसायी देखि संघ-संस्था प्रतिनिधिहरु लगायत ईच्छुक ब्यक्तिहरुले सहयोग गरेका थिए। एनआरएनए स्पेनका अध्यक्ष दिनेश गुरुङलाई (देउकाजी) संकलित रकम पाठशाला संयोजक सरला सापकोटाले हस्तान्तरण गरेकी थिईन्।

अर्चना रिमाल र मन कुमारी सापकोटाद्वारा लक्ष्मी पुजा गर्दै सुरु भएको कार्यक्रममा कलाकारहरु डिक कार्की,अजय लोप्चन,अरुण घिमीरे र सपना केसी घिमीरेको विशेष सक्रियतामा पाठशालाका बालबालिकाहरु लगायत नेपाली समुदायको देउसी भैलोमा सहभागिता रहेको थियो।

कार्यक्रममा पाठशालाका वालवालिकाहरु आयुसी भण्डारी,मिसन शर्मा,लुबी केसी,दिया भण्डारी,लिदिया भुसाल,आयाम कार्की र आजिब कार्कीले गीत संगीत तथा नृत्य प्रस्तुत गरेका थिए। हालै एनआरएनएको नवौं अन्तर्राष्ट्रिय महाधिबेशनवाट

युरोप सह संयोजकमा निर्वाचित मुक्त गुरुङलाई सो अबसरमा बधाईसहित नयाँ कार्यकालको शुभकामना ब्यक्त गरिएको थियो।