पोखरा । पोखरा महानगरपालिका वडा नं. २२ स्थित छोरेपाटनबाट विश्वशान्ति स्तुप हुँदै कुभिण्डेसम्म जाने वाटो २२ वर्षसम्म नबने पछि संघर्ष समिति गठन गरिएको छ।
स्थानिय तुलसी प्रसाद वरालको संयोजकत्वमा गठन गरिएको संर्घष समितिले विहिबार सडक डिभिजन कार्यालय, गण्डकी, भौतिक पुर्वाधार मन्त्रालय, गण्डकीमा ज्ञापन पत्र समेत वुझाएको संघर्ष समितिका सदस्य विजयकुमार शाहीले वताए ।
आ.व. २०७३/७४ मा केन्द्रिय सरकारबाट ८ करोड १२ लाख रकममा निर्माण ठेक्का पाएका ठेकेदार शंकर मालीले शुरुमा नाला बनाउने। सडक फराकिलो वनाउने काम गरेको भएता पनि विगत एक वर्ष देखि कुनै पनि काम नभएको सदस्य शाहीले लिखित रुपमा सञ्चार माध्यममा जानकारी दिएका छन्।
उनले १५ दिन भित्रमा पनि कार्य सुचारु नभए जस्तो सुकै संघर्षका कार्यक्रम गरिने समितिले बैठक वसेर निर्णय गरिने जानकारी दिएका छन् ।
