सहयोग जुट्यो तर जीवन रहेन

प्रकाश तिवारी, कोस्टाब्लान्का स्पेन,

एकातिर अविरल बर्षाका कारण देश डुवानमा परेको थियो अर्का तिर अत्यन्तै दुर्लभ मानिएको ‘लुपुज’ रोगले कठेखोला गाउँ पालिका ४, तम्राङ्ग, बाग्लुंगकी २४ बर्षिय बिष्णु श्रीस पुनको जीवन संकटमा थियो। काठमाण्डौको ग्राण्डी अस्पतालमा उपचार गराई रहेकी विष्णुले अस्पतालको शैया बाट सबै संग कृपया म बाच्न चाहन्छु मलाई बचाई दिनुस भन्दै अनुनय बिनय गर्दै थिइन्।

परिवारको आर्थिक अवस्था कमजोर त्यसमाथि दुर्लभ रोगको उपचार पद्वति नै महँगो अस्पतालमा करिव १८ लाख खर्च भै सकेपछि अस्पतालले थप ३२ लाख खर्च लाग्ने र ज्यान बचाउन सकिने आश्वासन दिए पछि बिष्णुको परिवारले उनको जीवन रक्षाको लागि सबै संग हार गुहार गर्न थाले।  देश, बिदेशमा भएका आफ्ना आफन्त साथिभाई गाउँ तथा जिल्ला बासीहरु सबै सँग सहयोगका लागि हात जोडे। यसरी आफ्नै गाउँ छिमेकमा हुर्केकी छोरी चेलीलाई बचाउन सोहि गाउँ स्थायी घर भई हाल स्पेन बस्दै आउनु भएका केशर थापा र मनिराज जोल्मीको सक्रियतामा स्पेनको कोस्टाब्लान्कामा सहयोग अभियान चलाए।

२ हजार ५ सय युरो करिव ३ लाख रुपैया नेपाल स्थित मिलन थापा द्वारा बिष्णु पुनका श्रीमान प्रकाश पुनलाई हस्तान्तरण गरिएको थियो। तर बिडम्बना सहयोग रकम पुगेको २ दिन पछि नै अन्तत बिष्णु लुपुज रोगको शिकार बन्न पुगिन र २४ बर्षको कलिलो उमेरमै उनको असमायिक निधन भयो।

बिष्णुको परिवारले उनको जीवन बचाउन कुनै कसुर बाँकी राखेन सबै सँग हार गुहार गरेर अस्पतालले भने जति रकम पनि जुटायो तर उनको अमुल्य जीवन भने रहेन।

स्पेनमा रकम संकलन गरी  नेपाल पठाइको सम्पूर्ण विवरण यस प्रकार रहेको छ।