काठमाडौं – संविधान संशोधन विधेयक असफल भएपछि मुद्दा स्थापित गरेको भन्दै राष्ट्रिय जनता पार्टी नेपालले सन्तोष व्यक्त गरेको छ ।
संशोधन विधेयक फेल भएपछि राजपाको पदाधिकारी बैठक मंगलबारबाट सुरु भएको छ । १३३ पदाधिकारी मध्ये ९८ जना उपस्थित थिए ।
बैठक बोल्ने ५३ जना पदाधिकारी मध्ये अधिकांशले प्रदेश २ को चुनावमा जानु पर्नेमा जोड दिएका छन् । मनिष सुमन, कौशलेन्द्र मिश्र, देवेन्द्र यादव लगागतका केहीले भने चुनावमा जान नहुने धारणा राखेका छन् ।
राजपाको बैठकले संविधान संशोधनको पक्षमा मत दिने सांसदहरुलाई धन्यवाद दिएको छ भने विपक्षमा मत दिनेहरु राष्ट्रिय एकता, समावेशीता र उत्पीडितहरुको आन्दोलन विरोधी भएको ठहर गरेको छ ।
राजपाका नेताहरुले संविधान संशोधन फेल भएपनि आफ्नो मुद्दा स्थपित भएको बताएका छन् ।
