काठमाडौं – माओवादी केन्द्रका अध्यक्ष पुष्पकमल दाहाल प्रचण्डले पार्टी विघटन गर्न सकिने विकल्पबारे सोच्न नेताहरुलाई प्रस्ताव गरेको खुलासा भएको छ । माओवादी सशस्त्र द्वन्द्वदेखि शान्ति प्रक्रियाका दुई दशकसम्म विभिन्न चरण पार गर्दै गणतन्त्र, संघीयतालगायत मूल राजनीतिक कार्यभार पूरा गरेको भन्दै उनले विघटनको प्रस्ताव गरेको पत्रिकामा खबर छ ।
आज प्रकाशित पत्रपत्रिकाहरुले प्रदेशसभा र प्रतिनिधिसभाको निर्वाचन एकैपटक गर्न प्रधानमन्त्रीले प्रस्ताव गरेको, राष्ट्रिय परिचयपत्र वितरणमा ढिलाइ भएको लगायत खबरलाई प्राथमिकताका साथ छापेका छन् । वैदेशिक रोजगारीभित्रका विकृत पाटोलाई पनि आजका पत्रपत्रिकाहरुले उधिनेका छन् ।
