काठमाडौ । जिल्ला अदालत काभ्रेले बहुचर्चित मैना सुनार हत्या प्रकरणमा संलग्न तीन सैनिक अधिकारीलाई दोषी ठहर गर्दै जन्मकैद फैसला सुनाएको विषयलाई आजका दैनिक पत्रपत्रिकाहरुले प्राथमिकताका साथ छापेका छन् । प्रमुख निर्वाचन आयुक्त अयोधीप्रसाद यादवले निर्वाचनको वातावरण निर्माणका लागि गाउँ–गाउँ जान दलका नेताहरुलाई गरेको आग्रह पनि पत्रपत्रिकाहरुमा प्रकाशित छन् ।
मैना सुनार हत्या प्रकरणमा तीन पूर्वसैनिक अधिकृतलाई जन्मकैद फैसला सुनाइएको विषयलाई महत्त्वका साथ छापेको नागरिक दैनिकले चुनावमा अझै दलहरु केन्द्रित नभएको अर्को विषय पहिलो पृष्ठमा लेखेको छ ।
अन्नपूर्ण पोस्ट दैनिकले संसदमै कानुनको धज्जी शीर्षक दिएर संसद्भित्रको अनियमितता उधिनेको छ । ६ कृषि आयोजनाको बेथिति, परामर्शमै अर्बौं शीर्षकको अर्को खबर पनि अन्नपूर्ण पोस्ट दैनिकमा प्रकाशित छ ।
राजधानी दैनिक पनि अन्य पत्रिपत्रिकाले जस्तै मैना सुनार हत्यामा संलग्न तीन सैनिक अधिकारीलाई काभ्रे जिल्ला अदालतले जन्मकैद फैसला सुनाएको विषयलाई मुख्य खबर बनाएर छापेको छ ।
