प्रधानमन्त्री पुष्पकमल दाहालको जारी चीन भ्रमणबारेको समाचारलाई आइतबार काठमाडौंबाट प्रकाशित दैनिक पत्रिकाहरुले महत्वका साथ फ्रन्टपेजमा स्थान दिएका छन् ।
यससँगै अन्नपूर्ण पोस्ट् दैनिकले सीमांकनबिना दलहरुबीच सहमति हुने सम्भावना नभएको समाचारलाई प्राथमिकता दिएको छ । त्यस्तै स्थानीय बजेट हृवात्तै बढेको समाचार र सगरमाथा आरोहणका लागि दुई सातापछि बाटो खुल्ने समाचार पनि फ्रन्टपेजमा छापिएको छ ।
११ जिल्लामा मतदान स्थाल टुंगिन बाँकी भएको समाचारलाई नयाँ पत्रिका दैनिकले महत्व दिएको छ । वीर अस्पतालले सुधार फड्को मार्दै गरेकोलाई मुख्य समाचार बनाएको नागरिक दैनिकले कलंकी-कोटेश्वर सडक निर्माणको गति सुस्त भएको समाचारलाई प्राथमिकता दिएको छ ।
एनसेलको कर असुल्न अर्थ मन्त्रालयले आन्तरिक राजश्व विभागलाई निर्देशन दिएको समाचारलाई कान्तिपुर दैनिकले महत्व दिएको छ । त्यस्तै कैलालीको हौसलपुर देशभित्रै बिरानो भएको समाचारले फ्रन्टपेजमा स्थान पाएको छ ।
कार्यपालिका भन्दा व्यवस्थापिका ठूलो हुनेलाई महत्वपूर्ण स्थान दिएको राजधानी दैनिकले भारतले पाकिस्तान र बंगलादेशको सीमा बन्द गर्न लागेकोलाई एंकर बनाएको छ ।
गोरखापत्र दैनिकले संसदमा ३९ विधेयक विचाराधीन रहेको समाचारलाई महत्व दिएको छ । मधेसी मोर्चामा ध्रुवीकरण तीव्र भएको समाचारलाई नेपाल समाचारपत्र दैनिकले फ्रन्टपेजमा छापेको छ ।
