बार्सिलोना/निश्चल बस्नेतद्वारा निर्देशित बहुचर्चित नेपाली चलचित्र ‘लुट २’ ले बार्सिलोनाका दर्शकको मन पनि लुट्ने भएको छ। माउन्ट एभरेष्ट गुप्र र सुजुरन ब्वाईजको सक्रियतामाभोलि आईतबार चलचित्र प्रदर्शन हुने भएपछि दर्शकको मन लुट्ने भएको हो। बार्सिलोनाको सिनेमा जिरोनामा आईतबार साँझ ५ बजे ‘लुट २’ देखाउँन लागिएको हो।
चलचित्रले देश तथा विदेशमा आक्रमक ब्यापार गरेको चलचित्र बार्सिलोनामा रहेका चलचित्र प्रेमी नेपाली दर्शकहरुले पनि हेर्ने अबसर प्राप्त गरेका छन्। माउन्ट एभरेष्ट गुप्रका सुरेश शर्माले नेपाली चलचित्रलाई सबैले माया गर्न सक्यौ भने मात्र यसको स्तर बढ्ने हुदाँ प्रदशनको ब्यबस्था मिलाएको बताए।
यसै सुजुरन ब्वाईजका साङ्गे शेर्पाले चलचित्र हेर्न आउँन नेपाली समुदायलाई अनुरोध गर्दै भने,”एक त नेपाली चलचित्रलाई माया गर्न पनि हामीले हेर्नु पर्छ,अर्को तर्फ प्रदर्शनीबाट रकम बचत भएमा कुनै एउटा खेल प्रतियोगिताको आयोजना गर्ने छौ।” पछिल्लो क्रममा नेपाली युवाहरुको जमात बार्सिलोनामा बढ्दै जाँदा,खेलकुद,मनोरन्जन तथा सामाजिक काममा समेत उनीहरुको सक्रियता बढ्दै गएको छ।
हाकु काले र चार युवाको लडाइँलाई नै मुख्य केन्द्रमा राखिएको चलचित्रमा सौगात मल्ल, दयाहाङ राई, कर्मा, विपिन कार्की, कामेश्वर चौरासिया, ऋचा शर्मा, एलिसा राई लगायतका कलाकारले अभिनय गरेका छन्।
