बार्सिलोना/ गैरआवासीय नेपाली संघ (एनआरएनए) काठमाडौंमा केन्द्रीय कार्यालय निर्माण कार्यले तीव्रता पाईरहेका बेला प्रतिबद्दता रकम भने उठ्न सकेको छैन। एनआरएनका बिभिन्न क्षेत्रहरुबाट १९ करोड ७१ लाख ८० हजार ३ सय १२ रुपैयाँ ८३ पैसा प्रतिबद्दता रकमको घोषणा भए पनि हाल सम्म ९ करोड ९३ लाख ८२ हजार ५ सय ९६ रुपैयाँ ८३ पैसा मात्र एनआरएन खातामा संकलन भएको छ। अर्थात् ९ करोड ७७ लाख ९७ हजार ७ सय १६ रुपैयाँ उठ्न सकेको छैन। संघको केन्द्रीय कार्यालय भवनको लागत करिव २५ करोड रुपैयाँ लाग्ने अनुमान भएको बेला प्रतिबद्दता रकम समेत जुट्न सकेको छैन।
अमेरिका क्षेत्रबाट ४ करोड २६ लाख रुपैयाँ प्रतिबद्दता रकम मध्ये एनआरएनको खातामा हालसम्म १ करोड ८६ लाख ३५ हजार २ सय ४४ रुपैयाँ १७ पैसा मात्र जम्मा भएको छ। एनआरएन अमेरिकाले मात्र ३ करोड ७६ लाख प्रतिबद्दता रकम जुटाएको थियो तर १ करोड ९७ लाख ८४ हजार ५ सय ८८ रुपैयाँ उठ्न बाँकी छ। यस्तै एसिया प्यासिफिक क्षेत्रबाट ५ करोड ५६ लाख ४७ हजार ४ सय ३० रुपैयाँ प्रतिबद्दता रकम जुटेको थियो। १ करोड ८६ लाख ८१ हजार ९ सय ७६ रुपैयाँ १३ पैसा मात्र संकलन भएको छ। भने बाँकी रकम अझै सम्म उठेको छैन।
यो क्षेत्र अन्तर्गत जापानबाट मात्र २ करोड ६० लाख ६५ हजार ५ सय ७६ रुपैयाँ उठ्न सकेको छैन। एनआरएन भबनका लागि जापानमा मात्र ३ करोड ५४ लाख ६१ हजार ८ सय २५ रुपैयाँ प्रतिबद्दता रकम जुट्न सफल भएको थियो। तर हाल सम्म ९३ लाख ९६ हजार २ सय ४९ रुपैयाँ मात्र खातामा जम्मा भएको छ। 
यस्तै सर्बाधिक ५ करोड ९८ लाख ४० हजार ९ सय १२ रुपैयाँ ७७ पैसा प्रतिबद्दता उठेको युरोप क्षेत्रबाट ३ करोड ४४ लाख ५७ हजार ३४ रुपैयाँ ४४ पैसा मात्र एनआरएन खातामा जम्मा भएको छ। तर २ करोड ५३ लाख ८३ हजार ८ लाख ७८ रुपैयाँ उठ्न बाँकी छ। युरोपमा सबै भन्दा बढी बेलायतवाट १ करोड ४७ लाख २ सय ६१ रुपैयाँ उठ्न सकेको छैन। २ करोड २४ लाख ५५ हजार १ रुपैयाँ प्रतिबद्दता रकम उठेको बेलायतबाट हालसम्म ७७ लाख ५४ हजार ७ सय ४० रुपैयाँ १९ पैसा मात्र संकलन गरेर खातामा पठाईएको छ।
यस्तै यही क्षेत्रवाट नै ४४ लाख ९८ हजार ४ सय ११ रुपैयाँ प्रतिबद्दता रकम जुटेको बेल्जियमबाट मात्र १७ लाख ९२ हजार ३६ रुपैयाँ ३० पैसा पठाईएको छ तर बाँकी रकम संकलन हुन सकेको छैन। यस्तै ४६ लाखको प्रतिबद्दता आएको जर्मनीवाट पनि हाल सम्म २३ लाख ५६ हजार ५ सय ७६ रुपैयाँ ९४ पैसा मात्र संकलन भएको छ। एनआरएनले आफ्नो वेभसाईट मार्फत सार्बजनिक गरेको बिबरणमा ओसेनिया क्षेत्रमा ३ करोड ३३ लाख ४३ हजार रुपैयाँ प्रतिबद्दता रकम मध्ये २ करोड ३९ लाख ८९ हजार ४ सय ६७ रुपैयाँ ९ पैसा संकलन भएको छ। तर ९३ लाख ५३ हजार ५ सय ३३ रुपैयाँ रकम संकलन हुन बाँकी छ।
मिडिल ईष्टबाट प्रतिबद्दता भएको ४९ लाख ६९ हजार १ सय ४४ रुपैयाँ मध्ये काठमाडौ स्थित एनआरएन खातामा ३१ लाख २७ हजार ४ सय २१ रुपैयाँ मात्र जम्मा भएको छ। यस्तै अफ्रिका क्षेत्रबाट ७ लाख ७९ हजार ८ सय २५ रुपैयाँ ५० पैसा प्रतिबद्दता रकम मध्ये ३ लाख ४१ हजार ७ सय ३९ रुपैयाँ मात्र उठेको छ।
अध्यक्ष घलेले रकम संकलन अभियानका क्रममा प्रतिबद्धता जनाएका सवैलाई रकम तत्कालै गैरआवासीय नेपाली संघको खातामा जम्मा गरिदिन आग्रह गरेका छन् । सहयोगको प्रतिबद्धता जनाएका दाताहरुले तत्कालै रकम भुक्तानी हुन सके तोकिएको समयमा भवन निर्माण पुरा हुने संघले जनाएको छ। आगामी सात महिनाभित्र भबन निर्माण कार्य सम्पन्न गर्ने लक्ष्य संघले लिएको छ।
