नोभेम्बर १२, मलेसियामा भइरहेको एएफसी सोलिडारिटी कप फुटबल प्रतियोगिताको सेमिफाइनल अन्तर्गत नेपालले लाओसलाई टाईब्रेकरमा पराजित गर्दै सोलिडारिटी कप फुटबलको फाईनलमा प्रवेश गरेको छ।
शनिबार भएको प्रतिस्पर्धात्मक सेमिफाइनलको निर्धारित र अतिरिक्त समयको खेल २-२ को बराबरीमा सकिएपछि खेलको निर्णय टाइब्रेकरबाट लिइएको थियो ।
पेनाल्टी सुटआउटमा नेपालका गोलकिपर किरण चेम्जाङले लाओसका खेलाडीको लगातार दुई प्रहार रोके भने तेश्रो प्रहार लाओसका खेलाडीले पोस्ट बाहिर हानेका थिए। पेनाल्टीमा नेपालका ३ जना खेलाडीले गोल गरेका थिए।
