ब्राजिल अप्रत्यासित रुपमा कोपा अमेरिका कप फुटबलको समूह चरणबाटै बाहिरिएको छ । सोमबार विहान भएको खेलमा पेरुसँग १-० को अप्रत्यासित हार व्यहोर्दै ब्राजिल समूह चरणबाटै बाहिरिएको छ । ३१ बर्ष पछि ब्राजिलमाथि पेरुले जित हात पारेको यो पहिलो पटक हो ।
नकआउट चरणमा पुग्न ब्राजिललाई समूह चरणको अन्तिम खेलमा जित वा बराबरीमा आवश्यकता थियो । जितसँगै पेरु समूह बीको विजेता बन्दै नकआउट चरणमा पुगेको छ भने इक्वेडर समूह उपविजेता भएको छ ।
