बार्सिलोना/ साईप्रसका नेपालीहरुले बिबिध सांस्कृतिक कार्यक्रम सहित नयाँ बर्ष मनाएका छन। गैर आबासीय नेपाली संघ राष्ट्रिय समन्वय परिषद साइप्रसले नेपाली कलाकारहरु उपस्थितिमा सास्कृतिक कार्यक्रमको आयोजना गरे पछि नेपालीहरु धुमधाम साथ नयाँ बर्ष मनाएका हुन्।
“लाईभ म्युजिक धमाका” नाम दिईएको उक्त कार्यक्रममा गायक रोज मोक्तान,स्विटजरल्याण्डका गायक सुभाष सुन्दास र संगीतकार रामु परियारले भरपुर मनोरन्जन प्रदान गरे। कार्यक्रममा स्थानीय कलाकारहरुको जोडदार प्रस्तुतिले समेत नयाँ बर्षको रौनकता थप्यो।
साईप्रस स्थित अबैतानिक बाणिज्यदूत डा. रामजीवन पन्जियारको प्रमुख अतिथ्यता तथा संघका अध्यक्ष सुबास मल्लको अध्यक्षतामा कार्यक्रम सम्पन्न भएको थियो।
तस्बिर:- बिरेन मगर
