वैदेशिक रोजगारीका शिलशिलामा दुबई आएका नेपाल पाँच जनाले यूएईको ‘बिग टिकट’ भाग्यशाली चिठ्ठामा झण्डै बीस करोड नेपाली रुपैयाँ प्राप्त गरेका छन् ।
बिग टिकट किन्ने अन्तिम दिन मार्च ३१ तारिक लिइएको ४५८८७ नम्बरको भाग्यशाली टिकटमा ७ मिलियन दिराम्स अर्थात २० करोड नेपाली रुपैयाँ भाग्यशाली चिठा दार्जिलिङकी सुनयना राईको नाममा परेको हो ।
काठमाडौंका सुनील लामासहित झापाकी उशा थापा मगर, आशा थापा मगर र मिना राई मिलेर किनेको टिकटमा यो पुरस्कार परेको हो । पाँच जना नेपाली मिलेर ५ सय दिराम्समा चिठ्ठा किनेका थिए ।
प्राप्त रकम प्रतिव्यक्ति चार-चार करोड नेपाली रुपैयाँ प्रतिव्यक्ति भाग लगाउने राईले बताएकी छिन् । राईले भने केही रकम च्यारिटीमा खर्च गर्ने बताएकी छिन् ।
अन्यले भने मिडियामा आउन चाहेका छैनन् ।-onlinekhbar
