सन्देश श्रेष्ठ
पोखरा । पोखराको बुद्धचोकमा बच्चाको कम्मर मुनिको भाग विभत्स अवस्थामा भेटिएको छ । करीब २-३ वर्षको जस्तो देखिने बच्चाको कम्मरभन्दा मुनिको भाग सडकमा अलपत्र अवस्थामा मंगलबार बिहान भेटिएको हो ।
कुकुरले मुखमा च्यापेर घिसार्दै गरेको अवस्थामा बच्चाको आधा भाग देखिएपछि स्थानियले प्रहरीलाई खबर गरेका थिए । घटनाको खबर पाएलगत्तै प्रहरी पुगेर शवको मुचुल्का उठाएको थियो । कम्मर मुनिको भाग भेटिए पनि बच्चाको लिङ्ग नछुट्टएिकाले पोष्टमार्टम पछि डि.एन.ए. परिक्षण गरिने कास्की प्रहरीले जनाएको छ ।
बच्चा कसको हो र कसरी त्यहाँ आइपुग्यो भन्नेबारे पनि अनुसन्धान सुरु गरिएको प्रहरीले बताएको छ । स्थानीयले भने बच्चाको हत्या गरेर शव फालेको हुनसक्ने आशंका गरेका छन् । उनीहरुले दोषी पत्ता लगाई कार्वाही गर्न स्थानीय प्रहरीलाई मागसमेत गरेका छन् ।
