-कृष्ण रानाभाट/पोखरा
भारतिय भुपु सैनिकहरुले जिआरको ५५ औं स्थापना दिवस बुधबार पोखरामा एक कार्यक्रमको आयोजना गरी मनाएका छन्। हरेक वर्षको सेप्टेम्बर ९ तारिखका दिन मनाईने उक्त कार्यक्रमको उद्घाटन प्रमुख अतिथि क्याप्टेन खड्गबहादुर शाहीले गरेका थिए।
पोखरामा रहेका भारतिय भुपु सैनिकहरुले विगत तिन वर्षदेखि नियमित रुपमा स्थापना दिवस मनाउन लागेका हुन्। भुपु सैनिकहरुका विच आपसी परिचय तथा भाईचारा स्थावित होस् भन्ने हेतुले वहालवाला सैनिक जवान, तिनका परिवार, भुपु सैनिक तथा उनिहरुका परिवारहरुको सहभागिता रहेको सो कार्यक्रममा कास्की लगाएत छिमेकी जिल्लाहरुका भारतिय भुपु सैनिकहरुको उपस्थिति रहेको थियो।
कार्यक्रममा समाजसेवी तथा शिक्षाप्रेमी खड्गबहादुर शाहीलाई दोसल्ला आढाएर सम्मान गरिएको थियो। कार्यक्रममा सुवेदार भीमबहादुर रानाभाटले नेपाल र नेपाली जनता माथी भईपरि आउने कुनै पनि समस्यामा हामी एकजुट भएर लाग्नुपर्ने वताए।
सुवेदार दुर्गाबहादुर क्षत्रीको अध्यक्षतामा भएको कार्यक्रमको स्वागत मन्तव्य क्याप्टेन गणेशबहादुर क्षत्री र संचालन सुवेदार क्लर्क अर्जुन केसीले गरेका थिए।
