मोहन मुन/ आज भाद्र कृष्ण अष्टमी, अर्थात् भगवान् श्रीकृष्णको जन्म दिन । यस शुभ दिन पारेर पोखरा-१७,छोरेपाटनमा सितलचैतारी आमा समुहले राधाकृण्ण मन्दिरमा मुर्ति प्रतिष्ठापना गरेका छन् ।
आमा समुहले देउसी र भैलो खेलेर,बिबाह ,बर्तबन्ध लगायत पुजाआजामा नाँच्ने र भजन गाएर ,आमा समुह सदस्यबाटै चन्दा उठाएर जम्मा गरेको पैसाबाट सो निमार्ण मन्दिर निर्माण गरिएको जनाएको छन।
करिब १० लाख लागतमा निर्माण गरिएको सो मन्दिर छोरेपाटनको सितल चौतारीमा पर्दछ।सामुदायिक जग्गामा रहेको सो मन्दिर निर्माण गर्नको लागी सोहि ठाँउमा बसोबास गर्ने लक्ष्मी थापा लगायत सितल चौतारी टोल बिकास संस्थाबाट पनि सहयोग रहेको थियो।
समुहकी अध्यक्ष बिजया पहारीले आज भगवान् श्रीकृष्णको जन्म दिनको दिनमा यति धेरै भत्तजनको उपस्थितिमा मन्दिरमा भगबानको मुर्ति प्रतिष्ठापना गर्दा खुशि लागेको बताउँदै यस अभियानमा सहयोग गर्ने सबैलाई धन्यवाद ज्ञापन गरिन् । कृष्ण जन्माष्टमी पर्व नेपालभर हिन्दु धर्मालम्बीहरूले भगवान् श्री कृष्णको पूजाआराधना गरी मनाउँदैछन् । श्रीकृष्णले आजकै दिन पृथ्वी लोकमा जन्म लिनु भएको हिन्दु धार्मिक शास्त्रहरुमा उल्लेख छ ।
