” नेपालीहरुको खबर” नेपालीनेपाली डटकमले आफ्नो पहिलो बार्षिकउत्सबको अबसरमा आगामी मे ३ तारिक आईतबार बार्सिलोनामा आयोजना गरेको कार्यक्रम आगामी जुलाई १२ तारिक आईतबारको लागि सारेको छ।
देशमा महाभूकम्प आएर ठुलो धनजनको क्षतिले सबै नेपालीहरुलाई मर्माहत बनाईरहेको बेला नेपालीनेपाली डटकमले कार्यक्रमलाई पर सारेको हो। प्रबासबाट महाभूकम्प पिडितहरुको राहत स्वरूप रकम संकलन अभियान चलिरहेका बेला यस अभियानलाई पूर्ण रुपमा साथ दिदै नेपालीनेपाली डटकमले निरन्तर समाचार अपडेड र सुचना प्रवाहलाई जारी राखेको छ।
साथै भूकम्पमा परी ज्यान गुमाउनु प्रति हार्दिक श्रदाञ्जली ब्यक्त गर्दै,घाईतेको शिघ्र स्वास्थ लाभको कामना गर्दछ। अझै पनि भूकम्पमा परी पुरिएकाहरुको जीवितै रुपमा उद्दार भईरहेका खबर आईरहदा,यस कार्यमा जुट्न र दुखद घडीमा मर्माहत भएको मनलाई सम्माल्न प्रत्येक नेपालीमा शक्ति मिल्न सकोस् भन्ने कामाना गर्दछौ।
नेपालीनेपाली डटकम परिबार
