विकासका लागि बहुमतको सरकार आवश्यक : एमाले नेता रवीन्द्र अधिकारी

पोखरा – नेकपा एमाले नेता रवीन्द्र अधिकारीले देश विकासका लागि बहुमतको सरकार आवश्यक रहेको बताएका छन् । संसदको विकास समितिका सभापति समेत रहेका अधिकारीले मंगलबार पोखरामा निर्वाचन क्षेत्र र पूर्वाधार विकास विशेष कार्यक्रमका कार्यक्रमहरु सार्वजनीक गर्दै बहुमतीय सरकार नभए सम्म विकासले गति लिन नसक्ने बताए ।

‘विकास समितिले चार वर्षमा विषयगत मन्त्रालय र सरकारलाई करिब १ सय ४० वटा र थप ६० वटा निर्देशन दिएको बताउँदै उनले भने, ‘ती मध्ये करिब ७० वटा मात्रै कार्यन्यन भएको छन् ।’ उनले कुनै योजनामा सरकारको नियत ठीक नभएर रोकिएको त कुनै योजना क्षमता नभएका काराण रोकिएको बताए । राष्ट्रिय गौरवका आयोजनाहरूले अहिले निरन्तरता पाएको भए पनि छिटो छिटो सरकार परिवर्तन हुँदा विषयगत मन्त्री फेरिने, मन्त्रीसँगै सचिव र सम्बद्ध निकायका अधिकारी परिवर्तनको नराम्रो अभ्यास विकासमा परेको बताए ।

उनले विकास समितिको सभापति भएपछि सुस्तरुपमा रहेका विकास आयोजनालाई गति दिनेका काम आफ्नो समितिले दिएको बताए ।  दुईपटक कास्कीबाट संसदमा विजयी भइसेकेका अधिकारी यसपटक कास्कीको क्षेत्र नम्बर २ बाट प्रत्यक्षतर्फ उम्मेदवारीका लागि सिफारिसमा परेका छन् । तर पनि उनलाई प्रदेश नम्बर चारको मुख्य मन्त्रीमा पनि चर्चा छ । उनले पत्रकार सम्मेलनमा पार्टीले प्रदेशमा उठाए पनि प्रतिनिधि सभामा उठाए पनि आफुलाई मान्य हुने बताए ।

निर्वाचन क्षेत्र विकास कार्यक्रम
२०७४।०७५
साविक क्षेत्र नं. ३ कास्की

निर्वाचन क्षेत्र पूर्वाधार विकास विशेष कार्यक्रम
२०७४।०७५
साविक क्षेत्र नं. ३ कास्की