कृष्ण रानाभाट/ पोखरा ।
बाग्लुङ समाज अन्तरगतका विभिन्न संघ संस्थाहरुको आयोजना र बागलुङ समाज पोखराको संयोजनमा शनिबार भएको खुल्ला रक्तदानमा २५ जनाले रक्तदान गरि सकेका छन् भने १०० युनिट रगत संकलन हुने आयोजकले बताएका छन् ।
कार्यक्रममा बागलुङ समाज पोखरा बचत तथा ऋण सहकारी संस्था, बागलुङ पोखरा मगर समाज, बागलुङ पोखरा नेवा खल, बागलुङ पोखरा महिला समाज, गलकोट घुम्टे बिकास मञ्च पोखराका सदस्यहरुको उल्लेख्य सहभागिता रहेको थियो ।
कार्यक्रममा रेडक्रस सोसाइटी कास्कीको प्राबिधिक टोलिले सहयोग गरेको थियो ।
समाजका अध्यक्ष कुलचन्द्र शर्माको अध्यक्षतामा भएको कार्यक्रममा सहसचिव कृष्ण कुमारी श्रीस मगरले स्वागत र सचीव बिक्रम थापाले संचालन गरेका थिए ।
