काठमाडौं । दक्षिण एसियाली खेलुकद (साग)मा पदक विजेता सबै खेलाडीहरुलाई गैरआवासीय नेपाली संघ एनआरएनले बधाइ ज्ञापन गरेको छ । एनआरएन अन्तराष्ट्रिय समन्वय परिषदकी प्रवक्ता रञ्जु वाग्ले (थापा)ले मंगलबार प्रेस विज्ञप्ति जारी गरी पदक बिजेता फुटबल खेलाडीलगायत सबैलाई बधाइ दिएकी हुन् ।
१२ औं दक्षिण एसियाली खेलकुद साग अन्तर्गत फुटबलमा स्वर्ण पदक जित्न सफल भएकोमा नेपाली फुटबल टीमलाई गैरआवासीय नेपाली संघ हार्दिक बधाई ज्ञापन गर्दछ,’ विज्ञप्तिमा भनिएको छ, ‘नेपाली फुटबल टीमको सहासिक र रोमाञ्चक प्रदर्शनले लामो समयदेखि निराशामा रहन बाध्य नेपाली समाजलाई केही उत्साह प्रदान गर्न सफल भएको हामीले विश्वास लिएका छौं ।’
आगामी दिनमा नेपालको खेलकुद क्षेत्रको विकासका लागि संघले सक्दो सहयोग गर्ने बाचा पनि एनआरएनले गरेको छ । साथै सबै खेलाडीहरुको उत्तरोत्तर प्रगतिको कामना पनि गरिएको छ ।
