काठमाण्डौ – बिहिबार दिउँसो थप ६ सय ७१ जनामा संक्रमण पुष्टि भएसँगै नेपालमा संक्रमितको संख्या ७ हजार ८ सय ४८ जना पुगेको स्वास्थ्य तथा जनसंख्या मन्त्रालयका प्रवक्ता डा.जागेस्वर प्रसाद गौतमले जानकारी दिएका छन् । गौतमका अनुसार हालसम्म देशका ७४ जिल्लामा कोरोना संक्रमण देखिएको छ । बिहिबार नेपालमा कोरोना संक्रमणको पुष्टी भएको हालसम्मकै सर्वाधिक संख्या हो ।
त्यस्तै कोरोनाका कारण कैलालीका एक महिला र एक पुरुषले ज्यान गुमाएका छन् । मृत्यु हुनेमा कैलालीका ४६ वर्षीय पुरुष र कैलाली कै ४३ वर्षीया महिला रहेको मन्त्रालयले पुष्टि गरेको छ । पुरुषको सेती प्रादेशिक अस्पतालमा असार ३ गते र महिलाको नेपालगंज मेडिकल अस्पतालमा असार २ गते मृत्यु भएको जनाइएको छ । याे सँगै नेपालमा कोरोना भाइरसबाट मृत्यु हुनेकाे संख्या २२ पुगेको छ ।
यसैगरी नेपालमा संक्रमित मध्ये १ हजार ३ सय ०३ जना निको भएर घर फर्किसकेका छन् जसमध्ये पछिल्लो २४ घन्टामा १९ जनाले स्वास्थ्य लाभ गरेका हुन् ।
