काठमाडौं – वैशाख ३१ गते दुई सय ८३ स्थानीय तहमा हुने पहिलो चरणको निर्वाचनमा १३ हजार ५ सय ५६ पदका लागि ४५ हजारभन्दा बढीको उम्मेदवारी परेको छ । आज प्रकाशित सबैजसो राष्ट्रिय दैनिक पत्रिकाहरुले स्थानीय तह प्रतिनिधि बन्न तीन गुना बढी उम्मेदवारी परेको खबर विशेष प्राथमिकताका साथ लेखेका छन् । पत्रपत्रिकाहरुले निर्वाचनसँगै संविधान संशोधनको विषयलाई पनि उठाएका छन् । संविधान संशोधन चुनावपछि मात्रै हुने पत्रपत्रिकाहरुले उल्लेख गरेका छन् ।
