धुर्मुस-सुन्तलीका लागि स्पेनमा २ लाख रुपैयाँ जुट्यो,सहयोग अभियान जारी

बार्सिलोना/ धुर्मुस-सुन्तलीले बनाउँन लागेको तेश्रो एकिकृत नमुना बस्ती निर्माण सहयोगका लागि स्पेनमा २ लाख रुपैयाँ भन्दा बढी सहयोग जुटीसकेको छ। प्रबासी नेपाली मञ्च स्पेनको पहलमा रकम संकलन भएको हो। रकम संकलन अभियानका संयोजक हेमन्त रानाभाटका अनुसार हाल सम्म १ हजार ९ सय १२ युरो ( करिव २ लाख २० हजार रुपैयाँ ) संकलन भईसकेको छ। संकलन अभियान एक महिना सम्म जारी राख्ने मञ्चले जनाएको छ।

अँग्रेजी नयाँ बर्ष २०१७ को नेपाली भित्ते पात्रो बिक्री गर्दै मञ्चले रकम संकलन समेत गरेको छ।अभियानका संयोजक रानाभाटले भने,” केहि दिनमा नै दुई लाख रुपैयाँ भन्दा बढी संकलन गर्न सकेका छौ, अझ यस अभियानमा धेरैको साथ र सहयोग रहनेमा हामी विश्वस्त छौ।”

भूकम्प पिडितका लागि दुईवटा एकिकृत नमूना बस्ती निर्माण सम्पन्न गरीसकेको धुर्मुस सुन्तली फाउण्डेशनले बर्दिबास २, महोत्तरीमा एकिकृत नमूना मुसहर बस्ती निर्माण गर्ने घोषणा गरे लगत्तै मञ्चले रकम संकलन गरेर पठाउँने निर्णय गरेको थियो।

मञ्चले यस अघि पनि स्पेनमा रकम संकलन गर्दै म्याग्दी बेग खोलाका बाढी तथा पहिरोपीडित ६४ घर परिवारलाई लाई राहत हस्तान्तरण गरेको थियो।

सहयोग दाताहरुको नामाबली