काठमाडौं– महानगरीय प्रहरी कार्यालय रानीपोखरीले महानगरीय अपराध महाशाखाका एसएसपी सर्वेन्द्र खनाल र काठमाडौं प्रहरी प्रमुख विक्रमसिंह थापालाई उत्कृष्ट कार्य गरेको भन्दै सम्मान गरेको छ ।
११औं महानगरीय प्रहरी दिवसको अवसरमा रानीपोखरीमा आयोजित विशेष समारोहवीच खनाल र थापालाई सम्मान गरिएको हो । म्याच फिक्सिङ लगायतका ठुला अनुसन्धानमा सफलता हासिल गरेका खनाललाई ‘उत्कृष्ट अनुसन्धान’ तथा थापालाई ‘उत्कृष्ट कार्यसम्पादन’ गरेको भन्दै सम्मान गरेको हो ।
महानगरीय प्रहरी कार्यालयका प्रवक्ता एसएसपी शरद चन्दलाई उत्कृष्ट ब्यवस्थापकको पदवीले सम्मान गरिएको छ ।
त्यस्तै प्रहरी कार्यविधा तर्फ डिएसपी सन्तोष राठौर, दैवी प्रकोप उद्धार तर्फ उत्कृष्ट कार्य गरेबापत सई मनोहरी थापा, ट्राफिक प्रहरी तर्फ उत्कृष्ट कार्य गरेबापत हवल्दार चेत बहादुर चौलागाई र ट्राफिक एफएमका सन्तोष सापकोटा लगायतलाई प्रहरी महानिरीक्षक उपेन्द्रकान्त अर्यालले सम्मापत्र सहित सम्मान गरेका छन् ।
