सेप्टेम्बर १७, गतबर्षको सुपरहिट चलचित्र ‘प्रेम गीत’ का निर्देशक सुदर्शन थापाले सोहि चलचित्रको सुपर हिट शिर्ष गित ‘म यस्तो गित गाउँछु’ शिर्षकमा नयाँ चलचित्र बनाउने घोषणा गरेका छन्। चलचित्रमा ‘प्रेम गीत’की नायिका पुजा शर्मा र ‘नाइँ नभन्नू ल ४’ का नायक तथा म्युजिक भिडियोका चर्चित मोडल पल शाह को साथमा अभिनेता सरोज खनाल र नबिन मानन्धरको समेत अभिनय रहने बताएका छन्।
यूएईको अवुधावीमा प्रथम पटक आयोजना गरिएको ‘नेपाली म्यूजिक भिडियो अवार्ड’ कार्यक्रममा निर्देशक थापाले यस्तो घोषणा गरेका हुन् । निर्देशक थापाको आफ्नै लेखन, निर्देशन तथा निर्माण रहने चलचित्रमा दिनेश न्यौपानेको पटकथा र अर्जुन पोख्रेलको संगीत रहने भएको छ भने चलचित्रको छायांकन तिहार पछि सुरु गरिने निर्देशक थापाले जानकारी गराएका छन्।
