लन्डन । एनआरएनए युकेले केन्द्रिय उपाध्यक्ष भवन भट्टलाई एक कार्यक्रमबीच स्वागत गरेको छ । अल्डरसटस्थित एम्पायर बैंक्यूटिङ हलमा मंगलबार साँझ कार्यक्रम गर्दै उपाध्यक्ष भट्टलाई स्वागत गरेको हो ।
आगामी जुलाई ३० र ३१ तारिख डेनमार्कको यूरोपेली क्षेत्रीय बैठकमा भाग लिन आउँने क्रममा उपाध्यक्ष भट्ट बेलायतमा पुगेका हुन्। यस अघि कतारमा सम्पन्न मध्यपुर्ब बैठकमा पनि उनले भाग लिएका थिए।
स्वागत कार्यक्रममा बोल्दै उपाध्यक्ष भट्टले समृद्ध नयाँ नेपाल बनाउने अभियानका गैर आवासीय नेपालीहरु र संघ माथि थप जिम्मेवारी बढेको बताए। एनआरएनए युकेका अध्यक्ष मुछेत्र गुरुङको अध्यक्षतामा सम्पन्न कार्यक्रममा युरोप संयोजक कुल आचार्य, आइसीसी सल्लाहकारहरु विश्व आदर्श पण्डित,मेजर रि. डमर घले, आइसीसी सदस्यहरु सुष्मा राई, संगिता मरहट्ठा, एनआरएनए यूकेका पूर्व अध्यक्ष सूर्य गुरुङ लगायतको उपस्थिति रहेको थियो।
