लेखनाथ / नेपाली काग्रेस क्षेत्र नम्बर १ को सभापतिमा बृजमान गुरुङ्ग विजयी भएका छन् । काग्रेस कास्की क्षेत्र नं. १ को शुक्रबार लेखनाथमा सम्पन्न भएको निर्वाचनमा गुरुङ्गले १ सय १८ मत प्राप्त गरी बिजयी भएका छन् । गुरुङ्गका निकटतम प्रतिद्धन्दी प्रकाश मोहन खनालले १ सय १४ मत प्राप्त गरेका छन् ।
खनाल पोखरा उपत्यका नगरविकास समितिका अध्यक्ष एवं नेपाली काग्रेस कास्कीका प्रभावशाली नेता यज्ञवहादुर थापा र केन्द्रिय सदस्य जीवन परियार निकटका हुन । खनाल गुरुङ्गसँग ४ मतको अन्तरले पराजित भएका हुन ।
गुरुङ्ग यस अघि पनि क्षेत्र नं. १ का सभापति रहेका थिए । सभापतिका अर्का प्रत्यासी कमलनाथ कुँवरले भने १० मत प्राप्त गरेका थिए । सचिवमा प्रेमकुमार श्रेष्ठले १ सय २१ मत प्राप्त गरी बिजयी भएका छन् ।
श्रेष्ठले अर्जुन गुरुङ्गलाई ७ मतले पराजित गरेका छन् । गुरुङ्गको १ सय १४ मत आएको थियो । महाधिवेशन प्रतिनिधिको मतगणना भने केही समय पछि हुने जनाइएको छ । यसअघि क्षेत्रिय कोषाध्यक्षमा शान्ति खनाल निर्विरोध भएकी थिईन ।
