हङकङ । भारतले नेपालमाथि गरेको नाकाबन्दीविरुद्ध हङकङमा पनि विरोध प्रदर्शन भएको छ । गैरआवासीय नेपालीहरुले शुक्रबार दिउँसो एडडिराल्टीस्थित भारतीय महाबाणिज्यदूताबास अगाडि प्रदर्शन गरेका हुन् । र्यालीमा सहभागीहरुले भूपरिवेष्ठित देशविरुद्धको नाकाबन्दी गम्भीर अपरोध भएको ब्यानर बोकेका थिए ।
नेपालको राष्ट्रिय झण्डासहित विरोध प्रदर्शनमा सहभागीहरुश्रले स्टप ब्लकएड, ब्याक अफ इण्डिया लगायतका प्ले कार्ड समेत बोकेका थिए ।नेपालीहरुले भारतीय महाबाणिज्य दूताबासमा ज्ञापन पत्र समेत बुझाउन चाहेका थिए । त्यसका लागि अग्रम समय समेत लिएका थिए ।
तर, प्रदर्शनका क्रममा दूताबासका कुनै पनि प्रतिनिधि उपस्थित भएनन् भने प्रदर्शनकारीहरुलाई सुरक्षाकर्मीले कार्यालय प्रवेश गर्न पनि दिएनन् ।
