श्री भक्त पौडेल, स्पेन
म लास हुँ
हो म एक लास हुँ
अघि सम्म त जिवित थिएं
मेरो नाम थियो, थर थियो
त्यो पनि बिस्तारै हराउंदै
फलानो बेड नम्बरको
‘बिरामी’ नामाकरण भयो
त्यसपछी मेरो होश हरायो ..
त्यो बिचमा धेरै नामाकरण भए होलान्
ICU को बिरामी
त्यो कृटिकल केसको बिरामी
एस्तै एस्तै ….
म क्रिटिकल बिरामी रहँदा
देशमा थुप्रै परिवर्तन भए
प्रदेशका प्रमुख पदच्युत भए
फेरी तुरुन्त नियुक्ती पनि भए
कैयौं सांसद अपहरणमा परे या पारीए
बुढानिलकण्ठ, सानेपा, कता कता
ठूला ठूला बैठक भए
त्यती मात्र कहाँ हो र?
देशमा प्रधानमन्त्री पनि पदच्युत भए
मेरो मुर्दाको मुखबाट
अक्सिजन माक्स हटाउंदै गर्दा
नयाँ प्रधानमन्त्रिले सपथ खाँदै हुनुहुन्थ्यो ।।
के पर्छ के पर्दैन
त्यो त उहाँलाई कण्ठस्थ थियो,
लगत्तै भन्नुभयो
देशका हस्पिटलमा बेड अभाव छैनन् भने
मर्नेहरु अस्पातलका प्राङ्गणमा मरेका हुन्
छि म मुर्दालाई पनि घिन लागेको छ
म लासलाई पनि अट्टाहास हाँस्न मन लागेको
शितलनिवास सम्झिएर
बालुवाटार सम्झिएर।।
कति बोल्छ यो लास भन्नुहोला
के गर्नु हजुर
जिउँदो हुँदा त
अनेकन अध्यादेश ल्याएर बोल्न कहाँ दिएका थिए र?
अहो म लास हुँ
अघि सम्म उ त्यो बेडमा थिएं
अहिले यहाँ मिल्किएको छु
सेतो तन्नामा लपेटिएर।
एतै कतै छु
सायद,
फोहोर फ्याँक्ने ठाउँ नजिकै हो कि
भर्याङ्गका सींडी तल
जिउँदो हुँदा सुनेको थिएं
नेपाली सेना आउंछन् अरे
मेरो लास उठाउन
सलामी पनि पाउँछु अरे
अरे वाह!!
सलामी पनि ।।
ए ! आओ न नेपाली सेना
मलाई उठाओ छिट्टै
गाह्रो भै सक्यो मलाई
माफ गर मलाई हैन
मेरो लासलाई।
मेरो गन्ती भयो होला है एतिबेला सम्म त
बेलुकिको ५ बजे मेरो गन्ती हुन्छ रे नि
भाग्यमानी लास हुँ म
नेपाली सेनाको सलामी पाउँछु
स्वास्थ्य मन्त्रालयको तथ्यांकमा
मेरो नाम र थर चढ्ने भो है।
राजधानीको अस्पातलमा मर्न पाएं
जिवित छिरेको थिएं
हेर है अब लास बनेर निस्कनेछु ।।
हो म लास हुँं
यो मेरो मुर्दा हो।।
देह- त्यागेको मुर्दा
आत्मा त्यागेको मुर्दा।।
अस्तु
