बार्सिलोना/ नेपाली पाठशाला स्पेनका बालबालिकाहरुले नेपालीहरुको महान पर्ब शुभ दिपावलीकोको अबसरमा देउँसी भैलो खेलेका छन्। दौरा सुरुवाल टोपी,गुन्यु चोली तथा जातीय तथा मौलिक पोशाकमा सजिदै बालबालिकाहरुले देउँसी भैलो खेलेका हुन्। लक्ष्मी पूजाको दिन एनआरएनए स्पेनको कार्यलयबाट सुरु भएको देउँसी भैलो कार्यक्रममा बालबालिकाका अभिभाबकहरुको समेत उपस्थिति रहेको छ।
५ बर्ष देखि १३ बर्ष उमेर समुहका बालबालिकाहरु शनिवार बार्सिलोनामा बिहान १० बजे देखि राति ८ बजे सम्म भैलो कार्यक्रममा नै ब्यस्त बने। पाठशाला संयोजक सरला सापकोटाले बालबालिकाहरुलाई नेपाली चाडपर्ब भाषा र संस्कृति सिकाउनको लागि एबम् नेपाली समुदाय,बच्चा र अभिभाबक बीच सदभाव बढोस् भन्नाका खातिर देउँसी भैलो कार्यक्रम सुरु गरिएको जानकारी दिईन्।
पाठशालाले केहि दिन अघि कार्यक्रम बारे जानकारी दिदै नेपाली समुदायलाई सहभागी हुन खुल्ला आह्व्वान समेत गरेको थियो। देउँसी भैलो कार्यक्रमबाट करिव ५ सय युरो संकलन भएको जानकारी दिदै संयोजक सापकोटाले अर्को बर्ष देखि अझ बृहत रुपमा खेल्ने बताएकी छन्।
नेपाली पाठशाला संचालक समितिमा संयोजक सापकोटा सहित बिष्णु रानाभाट,ज्योति गुरुङ,बिनिता रेग्मी खनाल,लिला भण्डारी,दीपा गुरुङ,देबी भण्डारी,शितल भुर्तेल भुसाल र कबिता भट्टराई सदस्यहरु रहेका छन्।
फोटो:- कृपा थापा बिष्ट
